Нешто ново и неочекувано од POCO

Poco, компанијата позади мега-популарниот Pocophone F1 изјави дека влегува со свој противник на Apple Airpods. Тие под слоганот "Always listening to our fans" што во превод значи "Секогаш ги слушаме нашите фанови" ги претставија нивните планови да лансираат нови безжични слушалки кои ќе бидат директен противник на познатите Airpods.

Poco Pop Buds како што компанијата ги нарече новите слушалки ќе бидат првиот продукт од аудио сферата кој што ќе биде произведуван од страна на Poco.

За почеток новиот продукт ќе биде достапен само во Индија. Како и нивните претходни производи, Poco ја користи Индија како индикатор за тоа како нивните продукти би се продавале и би просперирале во земјите со ниски приходи. 

Она што најмногу би ги интересирало корисниците, се разбира е цената којашто засега останува непозната. Но, одејќи според претходните продукти на оваа компанија би требало да очекуваме доста евтина варијанта на како што популарно се наречени "Truly wireless" слушалки.